«EFE» halyqaralyq aqparat agenttigi Qazaqstan Prezıdenti Nursultan Nazarbaevtyń ınstıtýttyq reformalar júrgizý úshin taǵy bir merzimge prezıdenttik laýazymda bolatynyn jarııa etti. «Qazaqstandyqtardyń kópshiligi eseptep otyrǵanyndaı, Is basyndaǵy Prezıdentten bási artyq balama qazir joq», – deıdi saıasattanýshy Dosym Sátbaev. Onyń pikirinshe, el halqy Prezıdentti eldegi ekonomıkalyq jáne saıası turaqtylyqtyń garanty dep sanaıdy. Osy oraıda, Qazaqstandaǵy kóptegen etnostyq toptar da Memleket basshysyn ultaralyq turaqtylyqtyń kepili retinde qoldaıdy.
21 sáýirde jarııalanǵan «Ipsos MORI» saýaldamasynyń nátıjesi qazaqstandyqtardyń 91 paıyzy Nazarbaevtyń basshylyǵyna kóńilderi óte joǵary deńgeıde tolatynyn nemese negizinen tolatynyn kórsetip bergen bolatyn. Turaqtylyqtyń qundylyǵyn, sondaı-aq, Syrtqy ister mınıstri E.Ydyrysov ta atap kórsetti. Ol óziniń sózinde bylaı dedi: «Aldaǵy jyl Qazaqstan úshin úlken mańyzǵa ıe. О́ıtkeni, Qazaqstan 2017 jyly Astanada ótetin halyqaralyq EKSPO kórmesine daıyndalyp jatyr. Sondaı-aq, Qazaqstan 2017-2018 jyldary BUU Qaýipsizdik Keńesiniń turaqty emes músheligine óziniń kandıdatýrasyn ilgeriletip otyr».
Qazaqstandyq saılaýshylar ótken jeksenbi kúni ózderiniń prezıdentterin tańdaý úshin saılaý ýchaskelerine kóptep bardy. Keler jylǵa belgilengen prezıdenttik saılaý Qazaqstan halqy Assambleıasynyń usynysy boıynsha 2015 jylǵa aýystyryldy. О́ıtkeni, álemdi qursaýyna alǵan kúrdeli ekonomıkalyq jaǵdaı Qazaqstanǵa da áser etpeı qoımaıtyny túsinikti. Sondyqtan mundaı kúrdeli jaǵdaıdan eldi tájirıbesi mol saıasatker ǵana alyp shyǵa alady.
Jalpy, halyqaralyq boljamdar ústimizdegi jyly Qazaqstannyń ekonomıkalyq ósimi aıtarlyqtaı bolatynyn aıtady. Osy oraıda atap kórsetetin bir jaıt, atalǵan ortalyqazııalyq respýblıka postkeńestik keńistiktegi asa iri transulttyq ıntegrasııa jetekshileriniń biri bolyp tabylady.
«Aǵymdaǵy qıyndyqtarǵa qaramastan, Qazaqstan órkendeý jyldarynda zor qarjylyq rezerv jınaqtap úlgerdi. Endi Astana ótpeli qıyndyqtarǵa jeńil shydas beretin jaǵdaıda», – degen edi Qazaqstannyń Memlekettik hatshysy Gúlshara Ábdiqalyqova Parıjde «Efe» agenttigine bergen suhbatynda.
Kútkendegideı, Qazaqstandaǵy saılaý úderisterine daýys berýge quqy bar qazaqstandyqtardyń rekordtyq sany qatysty. Qazaqstan Respýblıkasy Syrtqy ister mınıstrliginiń esepteýine qaraǵanda, búginde 20 myńnan astam qazaqstandyq shetelderde turyp jatyr, al olardy saılaýǵa qatystyrý úshin barlyq jaǵdaı jasaldy.
«Iаǵnı, Qazaqstannyń búkil álemdegi dıplomatııalyq mıssııalary ne qajettiniń bárimen tolyqtaı qamtamasyz etildi», – dedi osy oraıda Syrtqy ister mınıstri Erlan Ydyrysov.
Saılaý aldyndaǵy ulttyq saýaldamalar kórsetip bergenindeı, daýys berýlerdiń qorytyndysynda Nursultan Nazarbaev saılaýshylardyń óte kóp daýysyna ıe boldy. Keıbir sarapshylar Is basyndaǵy Prezıdentti jaqtaýshylardyń kóptigin eldegi saıası jáne ekonomıkalyq turaqtylyqpen túsindiredi. «Qazaqtardyń basym bóligi úshin Nursultan Nazarbaev turaqtylyq pen ósip-órkendeýdiń garanty bolyp otyr jáne bul ekonomıkalyq kórsetkishtermen qýattalady», – dedi taǵy da E.Ydyrysov.
Qazaqstanda ómir sapasy óte joǵary. El halqy burynǵy keńestik respýblıkalar arasynda eń joǵary eńbekaqy alady.
Tipti, eldegi kóptegen synı pikir bildirýshilerdiń ózi Nursultan Nazarbaevty naǵyz kóshbasshy sanaıdy. О́ıtkeni, ol Qazaqstan qalyptasýynyń alǵashqy kúrdeli jyldarynda ıadrolyq arsenaldan óz erkimen bas tartyp jáne eldegi etnosaralyq qaqtyǵystardy boldyrmaı, kim-kimmen de kelissózderdi utymdy júrgize bildi. Ol, sondaı-aq, Qazaqstannyń eki jaǵynda jatqan qos alyp – Qytaımen jáne Reseımen, sondaı-aq, Batyspen árqashan geosaıası tepe-teńdikti úlken sheberlikpen ustaı bildi.
...Astana men Almaty kóshelerindegi suralǵan adamdar is júzinde Nursultan Nazarbaevtyń kandıdatýrasyn biraýyzdan qoldaıtyndyqtaryn málimdegen edi. Shyn máninde, solaı bolyp ta shyqty. Osynyń ózi Nursultan Nazarbaevtyń Qazaqstan úshin qandaı rólge ıe ekenin anyq baıqatady.
Túrkııanyń «Djıhan» aqparat agenttigi ótken jeksenbi, saılaý kúni 9,5 mıllıon qazaqstandyqtyń saılaý ýchaskelerine barǵanyn atap kórsetti. Endi saılanǵan kandıdat Qazaqstan Respýblıkasynyń Prezıdenti laýazymynda bes jyl jumys isteıtin bolady. Nursultan Nazarbaev osynyń aldynda, ıaǵnı 2011 jyly ótken prezıdenttik saılaýda da 95,5 paıyz daýys alyp, qarsylastaryna qaraǵanda úlken basymdyqpen jeńiske jetken edi.
Aldyn ala qorytyndylarǵa qaraǵanda, Nursultan Nazarbaevtyń ústimizdegi jylǵy prezıdenttik saılaýda da úlken basymdyqpen jeńiske jetetini esh kúmán týǵyzbaıdy.
AQSh-tyń «Assoshıeıted Press» aqparat agenttigi Is basyndaǵy Prezıdent Nursultan Nazarbaev prezıdenttik saılaý aldynda daýys berý saılanǵan Prezıdentke eldi aldaǵy kúrdeli kezeńnen aýyrtpalyqsyz alyp shyǵý úshin naqty mandat beredi degen pikir bildirgenin kóldeneń tartty.
«Bul jolǵy prezıdenttik saılaý Qazaqstandaǵy turaqtylyqty nyǵaıta túsedi. Bul elimizdi ornyqty damytý úshin jáne ekonomıkamyz ben qoǵamymyzdy jańǵyrtý jóninde bastalǵan keń aýqymdy mindetterdi sońyna deıin jetkizý úshin negizgi alǵyshart bolyp qala beredi», – degen edi N.Nazarbaev.
«Men Nazarbaevqa daýys berdim, óıtkeni, meniń ómirime eshqandaı ózgeristerdiń qajeti joq. Meniń is basyndaǵy bıliktiń is-áreketine kóńilim tolady jáne qazirgi jaǵdaı ózimdi baqytty sezinýge múmkindik beredi, – deıdi 43 jastaǵy Danııar Erjanov. – Bizder, bıznesmender úshin qazirgi Ýkraınadaǵy sııaqty demokratııanyń túkke de qajeti joq. Bizge turaqtylyq jáne boljamdylyq qymbat».